HomeRegisterLog in

Share
 

 ကွမ်းစားခြင်းနှင့်ကျန်းမာရေး

Go down 
AuthorMessage
Admin
Admin
Admin

Posts : 83
Join date : 2010-07-15
Age : 37

ကွမ်းစားခြင်းနှင့်ကျန်းမာရေး Empty
PostSubject: ကွမ်းစားခြင်းနှင့်ကျန်းမာရေး   ကွမ်းစားခြင်းနှင့်ကျန်းမာရေး EmptyThu Jul 15, 2010 9:17 am

ကွမ်းစားခြင်းနှင့်ကျန်းမာရေး Betel1






ကွမ်းနဲ့ကွမ်းယာဝါးတဲ့ဓလေ့ဟာ၊မြန်မာအပါအ၀င်အရှေ့တောင်အာရှနဲ့တောင်ပစိဖိတ်ကျွန်းဒေသနိုင်ငံတွေမှာတွေ့ရတဲ့ဓလေ့ဖြစ်ပါတယ်။ဒါ့အပြင်ကမ္ဘာအနှံ့အပြားကအိန္ဒိယနွယ်ဖွားတွေမှာလည်းတွေ့ရပါတယ်။ တကယ်တော့ဒီဓလေ့ဟာလွန်ခဲ့တဲ့နှစ်၂၀၀၀လောက်ကတည်းကအိန္ဒိယကနေပြန့်ပွားလာခဲ့တာလို့မှတ်တမ်းတွေကဆိုပါတယ်။(မြန်မာ့ရိုးရာဓလေ့လို့ဆိုချင်သူများစဉ်းစားစရာပါ) ကွမ်းယာမှာကွမ်းရွက်၊ကွမ်းသီး၊ထုံး၊ဆေးရွက်ကြီး(ဗမာဆေး)တို့အဓိကပါဝင်ပြီးနောက်ပိုင်းမှာအိန္ဒိယက၀င်တဲ့အာမွှေး၊နိုင်တီနိုင်းစတဲ့အမွှေးအကြိုင်မျိုးစုံထည့်သွင်းလာကြပါတယ်။ကွမ်းယာကိုအပြင်းပြေ၀ါးတဲ့သူက၀ါးတယ်။ ဆေးရွက်ကြီးအာနိသင်နဲ့လန်းဆန်းပြီးမအိပ်ချင်အောင်ဆိုပြီးစားတဲ့သူကစားတယ်။ဆေးလိပ်ဖြတ်ချင်လို့ဆိုပြီးကွမ်းယာပြောင်းဝါးတဲ့သူတွေလည်းတွေ့ဖူးပါတယ်။

နယ်မှာတုန်းကဆိုရင် မနက်မိုးလင်းတာနဲ့ကွမ်းယာနဲ့စလိုက်တာညအိပ်ယာဝင်မှပါးစပ်ထဲကကွမ်းယာကိုထွေးဖြစ်တယ်ဆိုတဲ့လူတွေအများကြီးတွေ့ခဲ့ရပါတယ်။ လူတွေ ကြိုက်ပြီးဝါးနေကြတဲ့ကွမ်းယာဟာ၊သွားနဲ့ခံတွင်းပြဿနာကစလို့ အသက်အန္တရာယ်အထိဒုက္ခပေးနိုင်တယ်ဆိုတာကျွန်တော်တို့တွေ ရောက်လေရာ နေရာတိုင်းမှာကျန်းမာရေးပညာပေးပြောပြလေ့ရှိပါတယ်။တချို့လည်း..အဖိုးအဖွားတွေလက်ထက်ကတည်းက၀ါးလာတာ..ဘာမှမဖြစ်ဘူး..ဆိုပြီးဆက်ဝါးကြတာပါဘဲ။
အပျင်းပြေဆိုပြီးစ၀ါးမိတဲ့သူတွေလည်းအလွယ်တကူမဖြတ်နိုင်ကြတော့ပါဘူး။ကွမ်းယာရဲ့အပေါ့ဆုံးဆိုးကျိုးတွေက၊သွားတွေအရောင်ညစ်တာ၊ကြွေလွှာပြုန်းတီးတာ၊ မေးရိုးအဆစ်ရောဂါရတာ၊သွားကျောက်တွေတည်ပြီးသွားဖုံးရောဂါတွေရတာပါ။အသက်အန္တရာယ်ရှိတဲ့ဆိုးကျိုးတွေကတော့၊ခံတွင်းကင်ဆာ၊အစာမျိုလမ်းကြောင်းကင်ဆာနဲ့အသည်းကင်ဆာရောဂါတွေဖြစ်ပါတယ်။



ကွမ်းရွက်ဟာဆေးဖက်ဝင်အရွက်ထဲမှာပါပေမယ့်၊ကွမ်းသီး၊ဆေးရွက်ကြီးနဲ့အမွှေးအကြိုင်တွေမှာနိုင်ထရိုစမင်း၊အလ်ကာလွိုက်နဲ့ပိုလီဖီနောဓာတ်တွေအပါအ၀င်ကင်ဆာဖြစ်စေတဲ့ဒြပ်ပေါင်းအမျိုး
၃၀လောက်ပါဝင်ပါတယ်။ ထုံးကခံတွင်းသားတွေကိုလောင်စေပြီး၊ ကင်ဆာဖြစ်စေတဲ့ဓာတ်တွေအထဲစိမ့်ဝင်အောင်အားပေးပါတယ်။ ကင်ဆာမဖြစ်ခင်အဆင့်မှာ၊ submucousfibrosisဆိုတဲ့ခံတွင်းသားလွှာလေးတွေအဖြူရောင်ပြောင်းပြီးမာကျောလာတဲ့အခြေအနေကိုတွေ့ရတတ်ပါတယ်။တချို့ဆိုပါးစပ်ဟလို့မရတော့အောင်ဆိုးလာပါတယ်။ leukoplakia, oral lichenplanus လို့ခေါ်တဲ့အဖြူရောင်အကွက်တွေပါးစောင်သားနဲ့လျှာတွေမှာဖြစ်တာလည်းရှိပါတယ်။ အဲဒီကနေတစစနဲ့ကင်ဆာဖြစ်သွား နိုင်ပါတယ်။နယ်ဆေးရုံမှာတာဝန်ကျတုန်းကဒီလိုကေ့စ်တွေအများကြီးတွေ့ခဲ့ရပါတယ်။အားလုံးကွမ်းစားတဲ့သူတွေပါ။ကွမ်းကိုပါးစောင်မှာမြုံထားတတ်တဲ့သူတွေမှာပိုဆိုးပါတယ်။


ကွမ်းစားခြင်းနှင့်ကျန်းမာရေး Betel23-300x225




ခံတွင်းကင်ဆာနဲ့အစာမျိုလမ်းကြောင်းကင်ဆာတွေဖြစ်ရင် နောက်၅နှစ်အသက်ဆက်ရှင်ဖို့အခွင့်အရေးဟာ ၆၀%ထက်မပိုတော့ပါဘူး။ မသေခင်
မှာလည်း၊ ဓာတ်ကင်ရတာကစလို့ မေးရိုးတခုလုံးလှီးထုတ်ပစ်လိုက်ရတာ၊လျှာဖြတ်ပစ်လိုက်ရတာစတဲ့ ကုသမှုကြီးတွေနဲ့ကြုံရပြီး၊ အစားမစားနိုင်
စကားမပြောနိုင်၊ တပိန်ပိန်တလှီလှီနဲ့ နာကျင်တဲ့ဝေဒနာကိုမသေမချင်းခံစားကြရရှာပါတယ်။





ကွမ်းစားခြင်းနှင့်ကျန်းမာရေး Betel5

ကွမ်းယာဝါးတာနဲ့အတူ၊ဆေးလိပ်သောက်တာ၊အရက်သောက်တာတွေကလည်းခံတွင်းနဲ့အစာမျိုလမ်းကြောင်းကင်ဆာတွေဖြစ်စေနိုင်ပါတယ်။သုတေသနတွေအရကွမ်းလည်းဝါး ဆေးလိပ်လည်းသောက်ရင်၊ကွမ်းစားဘဲစားတဲ့လူနဲ့စာရင်ကင်ဆာဖြစ်နိုင်ချေ၆ဆလောက်မြင့်ပြီး၊ကွမ်းစားဆေးလိပ်သောက်အရက်သောက်၃မျိုးလုံးလုပ်ရင်တော့ ၁၂၃ ဆ မြင့်သွားပါတယ်။













Credit:myin-mo-oo.blogspot.com
Back to top Go down
http://www.m51a.com
 
ကွမ်းစားခြင်းနှင့်ကျန်းမာရေး
Back to top 
Page 1 of 1

Permissions in this forum:You cannot reply to topics in this forum
Music & IT Development :: Blog :: ဗဟုသုတ-
Jump to: